کراچی: ماں، بہن، بھانجی، بھابھی ذبح کر دی، ملزم گرفتار، اعتراف  جرم

کراچی (نوائے وقت رپورٹ + این این آئی) لیاری کے علاقے لی مارکیٹ کی رہائشی عمارت کے فلیٹ سے 4 خواتین کی تشدد زدہ نعشیں ملیں۔ مقتولات میں ماں‘ بیٹی‘ نواسی اور بہو شامل ہیں‘ جن کی عمریں 18, 13 ‘ 19 اور 51 سال ہیں۔ گھر کے سربراہ فاروق نے کہا کہ میں اور دونوں بیٹے گھر واپس آئے تو گھر پر دستک دی‘ گیٹ اندر سے کسی نے نہیں کھولا تو چابی سے کھول کر اندر داخل ہوئے‘ گھر میں اہلیہ‘ بیٹی‘ نواسی اور بہو کی گلا کٹی لاشیں موجود تھیں۔ مرنے والوں میں 13 سال کی علینا‘ 18سال کی مدیحہ‘ 19 سال کی عائشہ اور 51 سال کی شہناز شامل ہیں۔ چار خواتین کی لاشوں کے کیس کی تفتیش میں پیشرفت ہوئی جس کے مطابق گھر کا فرد ہی قاتلا نکلا۔ ملزم بلال نے اپنی والدہ‘ بہن‘ بھانجی اور بھابھی کو قتل کرنے کا اعتراف کر لیا۔ ملزم نے تیز دھار آلے سے ماں‘ بہن‘ بھانجی اور بھابھی کو قتل کیا۔ پولیس حکام کے مطابق ملزم بلال اس سے پہلے اپنی اہلیہ کو طلاق دے چکا ہے۔