ایس سی او کانفرنس کی کامیابی کا کریڈٹ شہباز شریف کو جاتا ہے ،شیخ آفتاب

 حضرو (نمائندہ نوائے وقت) مسلم لیگ ن کے سنیئر نائب صدر پنجاب ممبر قومی اسمبلی شیخ آفتاب احمد نے کہا ہے کہ ایس سی او کانفرنس کی کامیابی کا کریڈٹ وزیراعظم پاکستان میاں شہباز شریف کو جاتا ہے کانفرنس دنیا بھر میں پاکستان کی نیک نامی کا باعث بنی ضدی خان نے کانفرنس کی ناکامی کی بڑی کوشش کی لیکن عوام نے ان کی سازش کو ناکام بنا دیا لاہور کالج کی بچی کے حوالے سے پھیلائی گئی افوائیں بھی تحریک انصاف کی گھٹیا سوچ ہے احتجاجی سیاست سے مایوس ہو کر تحریک انصاف نے کالج کے بچوں کو استعمال کرنا شروع کر دیا اس میں بھی ان کو ناکامی کا سامنا کرنا پڑے گا ان خیالات کا اظہار انہوں نے حضرو میں میڈیا کے نمائندوں سے گفتگو کرتے ہوئے کیا اس موقع پر شیخ اجمل محمود ڈاکٹر اشرف بٹ حاجی احسان خان طلال اشرف بٹ سیٹھ محمد رفیق بولا بھی موجود تھے۔