راولپنڈی(اپنے سٹاف رپورٹرسے )اسلام دین حق ہے اور قرآن نبی کریمؐکامعجزہ ہے ان خیالات کا اظہار ممبر کینٹ بورڈ حاجی ظفر اقبال نے جامع مسجد یٰسین احمد آبادمیں میلاد کانفرنس سے خطاب کرتے ہوئے کیا انہوں نے کہا ہے کہ نبی پاکؐ کو اللہ نے خاتم النبیینؐبنا کر دنیا میں بھیجا  جنہوں نے انسانیت کو توحید کے نور سے منور کیا  آپؐ محسن انسانیت ہیں اور آپکی نبوت و رسالتؐ کا  امتیاز یہ ہے کہ باری تعالی نے آپؐ  کو تمام جہانوں کے لیے رحمت  بنا کر معبوث فرمایا۔ہم مسلمان دنیا کی وہ خوش نصیب ترین قوم ہیں جنہیں حضرت محمدؐ کا امتی ہونے کا شرف حاصل ہے۔میلاد کانفرنس سے دیگر علما ئکرام و مشائخ عظام نے بھی خطاب کیا اور ثنا خوان مصطفی نے ہدیہ نعت پیش کیا۔