کھوڑ ( نامہ نگار )   نمبردار ملک ممتاز خان بکھوال اور نمبردار ملک ضیا اعوان سورگ کا کہنا ہیکہ کھوڑ اور گردونواح میں مونگ پھلی کا سیزن شروع چکا ہے غلہ منڈیوں میں محصول باردانہ،کھاتہ اے بی سی اور ناپ تول میں کمی کرکے کسانوں کا استحصال زورو شور سے جاری ہے متعدد ناخواندہ اور کم پڑھے لکھے کسانوں کی سال بھر کی کمائی پر آڑھتی ہاتھ صاف کرنے لگے علاقے کی روائتی فصل مونگ پھلی کا سیزن شروع ہو چکا ہے اور نواحی علاقوں سے مونگ پھلی کی جنس منڈیوں میں آنا شروع ہو چکی ، غلہ منڈیوں میں ابھی تک دو سو سال پرانے کنڈے اور باٹ استعمال کیے جارہے ہیں۔