میجرجنرل ملک سلامیح پاک فضائیہ کے سربراہ ائیرچیف مارشل راؤ قمر سلیمان کی دعوت پر پاکستان کے سرکاری دورے پرہیں۔ دونوں رہنماؤں کے درمیان ملاقات میں پیشہ ورانہ دلچسپی کے امور پر تبادلہ خیال کیا گیا۔اردن کے رائل ائیرفورس کے کمانڈر کو ایک بریفنگ کے ذریعے پاک فضائیہ کے تنظیمی ڈھانچہ اور پیشہ ورانہ کردار سے آگاہ کیا گیا۔ اس سے پہلے ایئر ہیڈ کوارٹرز اسلام آباد پہنچنے پر پاک فضائیہ کے چاق و چوبند دستے نے میجر جنرل ملک سلامیح کو سلامی پیش کی ۔ مہمان خصوصی نے ایئر ہیڈ کوارٹرز اسلام آباد میں شہداء کی یادگار پر حاضری دی اور پھولوں کی چادر چڑھائی۔