انٹرنیشنل کرکٹ نہ ہونے سے کارکردگی متاثرہورہی ہے:مصباح

موہالی(سپورٹس ڈیسک )پاکستان کرکٹ ٹیم کے کپتان مصباح الحق کا کہنا ہے کہ ملک میں انٹرنیشنل کرکٹ نہ ہونے سے ٹیم کی کارکردگی متاثرہورہی ہے۔مصباح الحق کی قیادت میں پاکستان کوزمبابوے خلاف دوسرے ٹیسٹ میں اپ سیٹ شکست ہوئی جبکہ مصباح فیصل آباد وولوزکوبھی چیمپئنز لیگ ٹی ٹوئنٹی کے مین راونڈ میں نہ پہنچاسکے۔انہوں نے کہا کہ جب آپ کے ملک میں انٹرنیشنل کرکٹ ہی نہ ہورہی ہواورکھلاڑیوں کوموقع ہی نہ ملے تواس کا اثرپرفارمنس پرپڑتا ہے۔ انہوں نے کہا کہ بھارت میں آئی پی ایل کی بدولت نوجوان کرکٹرز کو زیادہ سے زیادہ مواقع میسر آتے ہیں، دیگر ممالک کے کھلاڑی بھی یہاں آکر کھیلتے ہیں اسلئے بھارت کے نوجوان کھلاڑی پریشر میں کارکردگی دکھانا جانتے ہیں۔