تین چوتھائی پاکستانیوں کو اپنے کام پر فخر ہے‘ گیلپ سروے

اسلام آباد(نامہ نگار)گیلپ پاکستان کے سروے کے مطابق تین چوتھائی پاکستانیوں نے اپنے کام پر بھر پور فخر کا اظہار کیا ہے۔گیلپ کی تازہ ترین سروے رپورٹ کے مطابق سروے کے دوران لوگوں سے سوال کیا گیا کہ جو کام آپ کرتے ہیںاس پر آپ کو کتنا فخر ہے؟سوال کے جواب میں 21فیصد شہریوں کا کہناتھا کہ انہیں اپنے کام پر بھرپور فخر ہے ،54فیصد شہریوں نے فخر کا ظہار کیا جبکہ 11فیصد نے کسی حد تک فخر کااظہار کیا۔ 12سال قبل 2005میں جب اسی حوالے سے سروے کیا گیا تو 35فیصد افراد نے اپنے کام پر بھر پور فخر کا اظہار کیا تھا54فیصد نے فخر اور 11فیصد نے کسی حد تک اپنے کام پر فخر کا اظہار کیا تھا۔