علاقائی گیتوں پر رقص‘پاکستان سے بہت پیار ملا ‘بار بار آئینگے : نیپالی کھلاڑی

لاہور(سپورٹس ڈیسک )کراچی گیمز میں ان ایکشن نیپالی کراٹے ٹیم کی لڑکیاں بھی پاکستانی اور میزبانی کی گرویدہ نکلیں جبکہ وہ گیمز کے دوران پاکستانی رنگ میں رنگ گئیں ، کھلاڑیوں نے بلوچی اور علاقائی گیتوں پر شاندار رقص کیا۔کھلاڑیوں کا کہنا ہے کہ پاکستان میں توقع سے زیادہ محبت ملی بار بار یہاں آئیں گے۔کراچی گیمز میں نیپالی کراٹے ٹیم کی کراٹے ٹیم نے میدان مار لیا ہے جبکہ اختتامی تقریب میں لڑکیاں ان ایکشن ہوئیں اور پاکستانی رنگ میں رنگ گئیں ، کھلاڑی بلوچی اور علاقائی گیتوں پر جھوم اٹھیں ، کھیل کیساتھ رقص بھی خوب کیا۔ نیپالی لڑکیوں نے پاکستانیوں کی مہمان نوازی کو بھی خوب سراہا اور کہا کہ بار بار یہاں آئیں گے۔ نیپالی ٹیم کا کہنا تھا کہ پاکستان میں توقع سے زیادہ پیار ملا ہے۔ پاکستانی لوگ محبت کرنے والے اور میزبان ہیں ، ہمیں یہاں بہت پیار ملا ہے۔ہم پوری دنیا کی ٹیموں کو کہتے ہیں کہ وہ پاکستان آئیں اور یہاں کا ماحول دیکھیں کیونہ پاکستان ایک خوبصورت اور پرامن ملک ہے جبکہ یہاں کہ لوگ مہمان نواز اور پیار کرنے والے ہیں۔