غروب آفتاب کے بعد عمران ہوش میں نہیں رہتے: سعید غنی، سندھ کے عوام کو بےوقوف نہیں بنا سکتے: ترجمان بلاول

اسلام آباد/ لاہور (نمائندہ نوائے وقت + خبر نگار) پیپلز پارٹی کے رہنما سعید غنی نے عمران خان کی سکھر میں تقریر پر ردعمل میں کہا ہے کہ غروب آفتاب کے بعد عمران ہوش میں نہیں رہتے، عمران الوداعی سیاسی جلسیاں کرکے جمائما کے پیچھے چھپنے کی کوشش کر رہے ہیں، عمران اپنے والد کی صفائی دیں۔ ترجمان بلاول ہاﺅس سریندر ولاسائی نے عمران کے خطاب پر ردعمل میں کہا ہے کہ عمران جھوٹ بول کر سندھ کے لوگوں کو بیوقوف نہیں بنا سکتے۔ پیپلز پارٹی پنجاب کے سیکرٹری اطلاعات مصطفی نواز کھوکھر نے کہا ہے کہ عمران کا جلسہ ناکام اور خطاب ہارے ہوئے جواری کی بڑھک سے زیادہ کچھ نہیں۔ سندھ میں سیاست کرنا عمران کا حق ہے لیکن یہاں ان کا جھوٹ نہیںچلے گا۔ اللہ کی شان ہے کہ ایمپائر کی انگلی کے اشاروں کی منتظر جعلی خان بلاول بھٹو کی قابلیت پر سوال اٹھا رہا ہے۔