پی ایچ اے اور پنجاب گروپ آف کالجز نے نور خان ایئربیس میں پانچ سو پودے لگائے

راولپنڈی (اپنے سٹاف رپورٹرسے)پی ایچ اے اور پنجاب گروپ آف کالجز کے زیر اہتمام نور خان ایئربیس میں پانچ سو پودے لگائے گئے۔ ایئر فورس کے افسران اور جوانوںکے ہمرا ہ پنجاب گروپ آف کالجز کے فکلیٹی ممبران اور طلباء و طالبات نے شجرکاری میں حصہ لیا اس موقع پر ڈی جی پی ایچ اے سیف انور جھپہ نے کہا کہ اگلے دس دنوں میں نور خان ایئر بیس اورملحقہ اراضی پر پانچ ہزار پودے لگائے جائیں گے وزیر اعظم پاکستان عمران خان کی ہدایات پر وطن عزیز میں درختوںکی کمی پوری کرنے کیلئے پی ایچ اے مختلف اداروں کے تعاون سے شجرکاری مہم زور و شور سے جاری ہے جس میں ہر طبقہ فکر کے افراد کو شریک کیا جا رہا ہے۔