لاہور(نمائندہ سپورٹس)آئی بی ایس ایف سکس ریڈ ورلڈ سنوکر چیمپئن شپ 2019 میں پاکستانی کیوئسٹ سابق عالمی چیمپئن محمد آصف کوارٹر فائنل میں پہنچ گئے۔محمدآصف نے میانمار کے کھلاڑی نینگ ون کو 5-1 سے شکست دیدی۔ کوارٹرفائنل میں محمدآصف کا مقابلہ تھائی کھلاڑی پورامن دانجیرا سے ہوگا۔دوسرے سنوکر پری کوارٹرفائنل میں پاکستانی کیوسٹ ذوالفقارقادر بھارتی کیوئسٹ پنکج ایڈوانی سے 5-2 سے شکست کھا گئے۔چیمپئن شپ میں ذولفقارقادر نے شاندار کارکردگی کا مظاہرہ کیا تھا لیکن پری کوارٹرفائنل میں بھارتی نمبرایک کھلاڑی کے ہاتھوں شکست کھا گئے۔