شگری ڈھیری میں گیس سیلنڈر دھماکہ کی دوسری زخمی خاتون بھی جاں بحق 

 کلرسیداں(نامہ نگار)گاؤں شگری ڈھیری میں گیس سیلنڈر دھماکے میں دوسری زخمی خاتون بھی زخموں کی تاب نہ لاتے ہوئے جاں بحق ہو گئی یہ چند ایام قبل اس وقت اپنی بچی اور ساس کے ہمراہ زخمی ہو گئیں تھیں جب ان کی ساس نے صبح کے وقت کچن میں دیا سلائی جلائی ہی تھی کہ گیس سیلنڈر زود دار دھماکے سے پھٹ جانے سے آگ بھڑک اٹھی تھی جس سے محمد حبیب کی اہلیہ شدید جھلس گئی تھیں دھماکے کی آواز اس کر ان کی پچیس سالہ بہو اپنی بیٹی کے ہمراہ ان کی مدد کو پہنچیں تو وہ بھی بری طرح جھلس گئیں انہیں برن یونٹ لے جایا گیا جہاں محمد حبیب کی اہلیہ دم توڑ گئی تھیں جس کے محض چند ایام بعد ان کی پچیس سالہ بہو بھی ہسپتال میں جان کی بازی ہار گئیں جبکہ ان کی دس سالہ بیٹی بدستور ہسپتال میں زیر علاج ہے اس طرح اس حادثے میں اب تک دو خواتین جاں بحق ہو چکی ہیں۔