تبدیلی سرکار نے عوام کو مہنگائی کے سواکچھ نہیںدیا:سعید منیس 

  ٹبہ سلطان پور(نمائندہ نوائے وقت)مسلم لیگ ن ضلع وہاڑی کے اراکین اسمبلی نسیم مہدی شاہ ، میاں ثاقب خورشید ، یوسف کسیلہ ، سید الطاف حسین شاہ سمیت دیگرکی مسلم لیگ ن کے سنیئر رہنماسعید احمدخان منیس کی رہائش گاہ ٹبہ سلطان پور آمد اس موقع پر اراکین اسمبلی نے سیاسی اور مہنگائی کی صورتحال کاجائزہ لیا اس موقع پر سنیئر رہنما سعید احمد خان منیس نے کہا کہ تبدیلی سرکار نے اپنے تین سال دور اقتدار میں عوام کو مہنگائی اور بے روزگاری کے سواکچھ نہیںدیا عوام مسلم لیگ ن کے دور کو یاد کررہے ہیں سعید احمد خان منیس نے کہا کہ مسلم لیگ ن کے تمام کارکن اور رہنما اپنے قائدین میاں نواز شریف اور میاں شہباز شریف ، میاں حمزہ شہباز اور مریم نوازکے احکامات پر مہنگائی اور بے روز گاری کے خلاف ہر فورم پر آواز بلند کرنے کیلئے  ان کے شانہ بشانہ کھڑے ہیں ۔