کیپ ٹائون(اے پی پی)جنوبی افریقا  کے قصبیپونگولا  میں طلبا کو لے جانے والی   ڈبل کیبن   اورٹرک کے تصادم میں 21 افراد ہلاک ہو گئے  ہیں۔ امریکی ذرائع ابلاغ  نے  جنوبی افریقا کے قصبے کی مقامی ٹریفک پولیس  کے حوالے سے بتایا ہے کہ    حادثہ گزشتہ روز پونگولا میں قومی روٹ این-2 پر اس وقت پیش آیا  جب  ایک ٹرک  تیز رفتاری کے باعث  اوور ٹیک  کرتے ہوئے مخالف سمت میں آنے والی  ڈبل کیبن   سے ٹکرا گیا  جس کے نتیجے میں   میں   19 طلباسمیت 21 افراد  موقع  پر ہلاک ہوگئے۔  ریسکیو ٹیموں نے ہلاک ہونیو الوں کی نعشوں کو قریبی ہسپتال منتقل کر دیا ہے۔طلبا کی عمریں5 سے 12 کے درمیان بتائی گئی  ہیں ۔پولیس کے مطابق   ٹرک ڈرائیور نے خود کو پولیس کے حوالے کردیا۔