نیگون (ویب ڈیسک) میانمار میں فوجی ہیلی کاپٹروں کی سکول پر فائرنگ سے 6 بچے ہلاک اور 17 زخمی ہو گئے۔ برطانوی خبر ایجنسی کے مطابق سکول پر فائرنگ کا واقعہ سیگنگ ریجن کے ایک گائوں میں پیش آیا۔ میانمار کے فوجی ہیلی کاپٹروں نے ایک سکول کو نشانہ بنایا جس کے نتیجے میں 6 بچے ہلاک اور 17 زخمی ہوئے۔ دوسری جانب میانمار کی فوج نے دعویٰ کیا ہے کہ باغی فورسز پر حملوں کیلئے سکول کی عمارت اور مقامی افراد کو ڈھال کیلئے استعمال کر رہے تھے۔ ہیلی کاپٹر علاقے میں تلاشی کیلئے گئے تھے کہ نیچے سے ان پر فائرنگ کی گئی جس کے بعد ردعمل میں جوابی کارروائی کی گئی جس میں چند افراد مارے گئے۔