نوشہرہ  ورکاں: نامعلوم افرادنے فائرنگ کر کے 2 بھائیوں کو قتل کر دیا

نوشہرہ ورکاں (نامہ نگار) کالووال کے قریب نہر پٹڑی پر نامعلوم افراد نے نارنگ منڈی کے رہائشی دو سگے بھائیوں پینتیس سالہ ذیشان اور بیس سالہ سفیان کو اندھادھند فائرنگ کرکے قتل کر دیا۔ مقامی لوگوں کی اطلاع پر پولیس اور ریسکیو 1122 ٹیم موقع پر پہنچی۔ مقتولین کے موبائل فون سے ان کی شناخت ہوئی۔ عینی شاہدین کے مطابق شدید فائرنگ کی آواز کے بعد ایک کار اور موٹر سائیکل پر سوار افراد کو  جائے وقوعہ سے فرار ہوتے دیکھا گیا۔ پولیس کے مطابق موٹر سائیکل سوار افراد نے دونوں بھائیوں کو گاڑی سے نکال کر قتل کیا۔ پولیس نے جائے وقوعہ سے شواہد اکٹھے کر کے نعشوں کو ٹی ایچ کیو ہسپتال منتقل کر دیا۔