ملتان (سپورٹس ڈیسک)  پاکستان اور انگلینڈ کے درمیان ٹی ٹوئنٹی سیریز کا پہلا میچ آج کراچی کے نیشنل اسٹیڈیم میں کھیلا جائیگا ، میچ پاکستانی وقت کے مطابق شام ساڑھے سات بجے شروع ہوگا۔ دوسری جانب سیریز کے حوالے سے جوش و خروش عروج پر پہنچ چکا ہے۔جاوید عالم اوڈھو نے کہا کہ انگلش سکیورٹی آفیشلز بھی ہماری پلاننگ سے خوش ہیں۔انہوں نے بتایا کہ میچز کے لیے 5 ہزار سیکیورٹی اہلکار تعینات کیے گئے ہیں، ہوٹل اور اسٹیڈیم کی سیکیورٹی پر عملدرآمد شروع ہو چکا ہے۔اے آئی جی پولیس نے کہا کہ تمام فورسز کے اہلکار منگل کو ہونے والی ریہرسل میں حصہ لیں گے، کراچی کے شہری اسٹیڈیم آئیں اور ایونٹ کو کامیاب بنائیں۔