لاہور ( سپورٹس رپورٹر) آئی سی سی ٹی 20 ورلڈ کپ کے لیے قومی کرکٹ ٹیم کی جرسی کی ویڈیو پی سی بی نے شیئر کردی۔ٹی 20 ورلڈ کپ 16 اکتوبر سے 13 نومبر تک آسٹریلیا میں کھیلا جائےگا جبکہ قومی ٹیم اپنا پہلا میچ روایتی حریف بھارت سے 23 اکتوبر کو کھیلے گا۔ورلڈ کپ کیلئے قومی ٹیم کا اعلان گزشتہ دنوں کیا گیا تھا جس میں بابر اعظم کپتان، شاداب خان نائب کپتان ہوں گے۔اب پی سی بی کی جانب سے قومی ٹیم کی نئی جرسی کی ویڈیو شیئر کی گئی ہے۔ویڈیو میں بابر اعظم، شاداب خان، نسیم شاہ اور دو خواتین کھلاڑیوں کو ایکشن میں دیکھا جاسکتا ہے۔