کہروڑپکا (نامہ نگار     )نتائج کے لحاظ سے العمران گرائمر پبلک سکول کی کارکردگی مثالی ہے۔ پوزیشن ہولڈر طلبائ￿  و طالبات کو مبارکباد پیش کرتا ہوں۔ ان خیالات کا اظہار اسسٹنٹ کمشنر کہروڑپکا محمد اشرف صالح نے العمران گرائمر پبلک ہائی سکول کہروڑپکا میں کلاس نہم کے رزلٹ ڈے کے موقع پرپوزیشن ہولڈرز میں تقسیم انعامات کی تقریب سے خطاب کرتے ہوئے کیا۔ انہوں نے کہا کہ تعلیم یا فتہ قومیں ہی مثبت معاشرے کی تشکیل کا ایک اہم حصہ ہوتی ہیں العمران گرائمر ہائی سکول کے پرنسپل ملک عمران خالد نے کہا کہ۔ اس سال کلاس نہم میں ادارہ ہذا کی ہونہار طالبہ نمرہ لعل نے 480/505نمبر حاصل کر کے نمایاں پوزیشن حاصل کی ہے اس کے علاوہ  راشدہ اکمل 446،  سویرا بلال 439،  سونیا مختیار 437،  محمد راحیل 432،  مریم اللہ وسایا  431 اور ثمینہ کوثر نے 419 نمبر حاصل کیے ہیں۔تقریب کے اختتام پرمحمد اشرف صالح نے پوزیشن ہولڈر طلباء میں ٹرافیاں و نقد انعامات بھی تقسیم کیے۔