ملتان ریجن کرکٹ ایمپائرز ایسوسی ایشن کیجانب سے ضمیر حیدر کے اعزاز میں تقریب کا انعقاد

ملتان (جنرل رپورٹر)انٹرنیشنل کرکٹ ایمپائر ضمیر حیدر جو کہ تیس ستمبر کو ریٹائرڈ ہوجائیں گے کہ اعزاز میں ملتان ریجن کرکٹ ایمپائرز ایسوسی ایشن کے زیر اہتمام ایک پروقار تقریب منعقد کی گئی۔اس موقع پر ایسوسی ایشن کے چیئرمن محمد جمیل کامران،پروفیسر ندیم اقبال، ارشاد سونی،محمد منظور لطیفی،محمد آصف،محمد بلال حنیف،محمد مرسلین نے شرکت کی۔اس موقع پر کھلاڑیوں نے بلے کی چھائوں میں ان کا پرتپاک استقبال کیا۔محمد جمیل کامران نے کہا کہ ضمیر حیدر ایک باصلاحیت ایمپائر ہیں۔ضمیر حیدر نے کہا کہ ایمپائرنگ ایک اہم شعبہ ہے۔جس میں نام بنانے کے لیے سخت محنت کرنا پڑتی ہے۔مخلص دوستوں کے تعاون سے یہ سفر شاندار گزرا اور بہت کچھ سیکھنے کا موقع ملا ۔تقریب کے آخر میں ایسوسی ایشن کی جانب سے ضمیر حیدر کو خصوصی سوئینیر پیش کیاگیا۔