منڈا چوک ( نامہ نگار) عظمت قرآن و دستار فضیلت کانفرنس جامعہ مسجد حنفیہ حقانیہ میراں پور میں کلبدھ بعد نماز ظہر ہوگی جس میں پیر سید غلام مرتضی شاہ بانر شریف،مولانا پیر لطف الرحمن،مولانا عبد الحنان صدیقی آف حافظ آباد، مفتی جاوید الرحمان شاہ ،مولانا محمد رفیق، قاری سعید الرحمن مدرس مدرسہ ہذا، حاجی ملک محمد افضل بھابھہ مہتمم مدرسہ ہذا ودیگر علماء خطاب کرینگے جبکہ خواتین کے پردے کا انتظام بھی ہوگا۔
ڈی ایس پی شجاع آبادکا کالج کا دورہ جرائم اور ان سے بچنے بارے آگاہی دی
شجاع آباد (نمائندہ نوائے وقت)ڈی ایس پی شجاع آباد رمیض بخاری نے علامہ اقبال کالج شجاع آباد کا دورہ کیا۔انہوں نے لڑکوں،لڑکیوں او بچوں کے بارے میں بچوں کے ساتھ بدسلوکی، اغوا،زیادتی اور سماجی جرائم سے متعلق آگاہ کرتے ہوئے ان سے بچنے اور اپنا کردار ادا کرنے کی آگاہی دی۔اس موقع پرانہوں نے کہا کہ نشہ ایک لعنت ہے جو انسان کو تباہی کی جانب لے جاتا ہے۔ بچوں کے سوالات کے جوابات بھی دئیے۔
 کوٹ ادو میں چہلم حضرت امام حسینؓ 
مرکزی جلوس امام بارگاہ نہنگ شاہ سے برآمد ہوا
کوٹ ادو(خبر نگار)کوٹ ادو میں چہلم حضرت امام حسین ؓ عقیدت واحترام سے منایا گیا،چہلم کا مرکزی جلوس مرکزی امام بارگاہ نہنگ شاہ سے برآمد ہوا جو کہ مقررہ راستوں سے ہوتا ہوا رات 7بجے ٹبہ کربلا پہنچ کر اختتام پذیر ہوا،چہلم کے موقع پر سیکیورٹی کے سخت حفاظتی انتظامات کئے گئے تھے اور پولیس لائن سے اضافی نفری بھی منگوائی گئی تھی، اس موقع پر جلوس کے راستوں پر تمام کاروباری مراکز بندکرادئے گئے تھے۔