خضدار ( این این آئی ) گرینڈ الائنس مستونگ کے صدر حاجی محمد انو ر شاہوانی، نواب ظفر اللہ شاہوانی، سردار اسداللہ شاہوانی، ٹرنک اونر ا یسوسی ایشن بلوچستان کے صدر حاجی نور جان شاہوانی، ٹکری مجیب الرحمن شاہوانی، ٹرانسپو رٹر محمد حنیف شاہوانی، حاجی عبد اللہ شاہوانی، غلام مصطفے ٰشا ہوانی، ٹکری زادہ شعیب شاہوانی، ندیم رزاق شاہوانی، محمد یاسین شاہوانی، محمد اکرم شاوہوانی و دیگر نے  پریس کانفرنس سے خطا ب کرتے ہوئے کہا ہے ایک ہفتہ قبل قومی شاہراہ وڈھ کے مقام پر  ٹرانسپورٹر محمد حنیف شاہوانی کی گاڑی مسلح افراد نے چھین لی تھی  جس کی اطلاع مقامی انتظامیہ کو اسی وقت دی گئی تھی لیکن ہمیں افسوس کے ساتھ کہنا پڑتا ہے کہ ایک ہفتہ گزرنے کے باوجود وڈھ انتظامیہ گاڑی برآمد کرنے و ملزمان کو گرفتار کر نے میں ناکام دکھائی دے رہی ہے۔ ڈپٹی کمشنر خضدار میجر (ر) الیاس کبزئی نے  نے یقین دہا نی کرائی کہ گاڑی کو جلد از جلد برآمد کرایا جائے گا اس یقین دہا نی کے بعد اور قلات ڈویژ ن(منگچر) کے مقام پر تبلیغی اجتماع کے شرکاء  کی مشکلات کو سامنے رکھتے ہوئے ہم نے فیصلہ کیا ہے کہ ہم اپنے اس احتجاج کو چند دن کے لئے موخر کر دیتے ہیں۔