قائداعظم ٹرافی : لاہور بلوز کی فاٹا کےخلاف 9 وکٹوں سے کامیابی

لاہور(سپورٹس رپورٹر)قائداعظم ٹرافی کرکٹ ٹورنامنٹ میں لاہور بلوز ریجن نے فاٹا ریجن کو 9 وکٹوں سے ہرادیا۔ایبٹ آباد میں کھیلے گئے میچ کے چوتھے اور آخری دن فاٹا نے اپنی دوسری اننگز127 رنز4 کھلاڑی آو¿ٹ پر شروع کی اور پوری ٹیم 214 رنز بناکر آو¿ٹ ہوگئی۔سلمان خان نے 71 رنز بنائے۔خوشدل شاہ نے 73 رنز کی اننگز کھیلی ۔علی شفیق نے5 وکٹیں حاصل کیں۔لاہور بلوز کو جیتنے کےلئے41 رنز کا ہدف ملا تھا جو اس نے ایک وکٹ پر حاصل کرلیا۔قذافی سٹیڈیم لاہور میں راولپنڈی اور لاہور ریجن وائٹس کے درمیان میچ ڈرا ہوگیا۔ بارش کی وجہ سے آخری دن کا کھیل ممکن نہ ہوسکا۔تیسرے دن کھیل ختم ہونے پر راولپنڈی نے ایک وکٹ پر232 رنز بنائے تھے۔ عبدالفصیح 113 اور اشفاق احمد51 رنز پر ناٹ آو¿ٹ تھے۔پنڈی کرکٹ سٹیڈیم میں کراچی وائٹس اور فیصل آباد ریجن کے درمیان میچ بھی نتیجہ خیز ثابت نہ ہوسکا۔میچ کے آخری دن فیصل آباد نے اپنی پہلی اننگز میں 63 رنز 6 کھلاڑی آو¿ٹ پر شروع کی اور پوری ٹیم 122 رنز پر آو¿ٹ ہوگئی۔ غلام مدثر نے 5 وکٹیں حاصل کیں۔فالوآن کے بعد فیصل آباد نے دوسری اننگز میں ایک وکٹ پر103 رنز بنائے تھے۔علی شان 46 رنز پر ناٹ آو¿ٹ تھے۔پشاور ریجن اور ملتان ریجن کے درمیان شعیب اختر سٹیڈیم پنڈی میں ہونے والے میچ کا بھی نتیجہ برآمد نہ ہوسکا۔میچ کے آخری دن ملتان ریجن نے پشاور ریجن کے 263رنز کے جواب میں 7 وکٹوں پر 286 رنز بنائے تھے۔ شرون سراج نے 70 اور زین عباس نے 62 رنز بنائے۔ عباس آفریدی نے4 وکٹیں حاصل کیں۔