شیخوپورہ: عدنان عرف منگو ڈکیت گینگ کا سرغنہ ساتھیوں سمےت گرفتار

شیخوپورہ (نمائندہ نوائے وقت) ڈی پی او شیخوپورہ زاہد نواز مروت کی ہدایت پر ڈی ایس پی سی آئی اے سید عدنان بخاری کی زیر نگرانی انچارج سی آئی اے عمران آصف بھٹی نے ٹیم اے ایس آئی وحید ڈوگر وغیرہ کے ہمراہ کارروائی کرتے عدنان عرف منگو ڈکیت گینگ کو سرغنہ سمیت گرفتار کر لیا۔ گرفتار ملزمان میں محمد عدنان ولد محمد بوٹا ‘ گل زمان ولد علی حسنین ‘ ابوبکر ولد یسین شامل ہیں۔ گرفتار ملزموں کے قبضہ سے 450000 روپے ‘ 4 موٹر سائیکلیں‘ 3 پسٹل 30 بور بمعہ گولیاں برآمد کر کے ملزموں کے خلاف مقدمات درج کر لئے گئے ہیں۔ ڈی ایس پی سی آئی اے سید عدنان بخاری نے میڈیا سے گفتگو کرتے کہا کہ ناجائز اسلحہ رکھنے والے یا اسلحہ کی نمائش کرنے والے ملزم قانون کی گرفت سے بچ نہیں سکتے۔