گکھڑمنڈی(نامہ نگار)مسلم لیگ ن کے رہنماﺅں وسیم یعقوب بٹ ، حافظ عثمان سندھو، عبدالرزاق بٹ ، خورشید عالم ہاشمی ، رفاقت علی پپو آرائیں اور مدثر قادر صباح نے اپنے ایک مشترکہ بیان میں کہاہے کہ آنے والا وقت بتا رہا ہے کہ مسلم لیگ ن اقتدار میں آکر اپنے قائد میاں محمد نواز شریف کو چوتھی مرتبہ وزیراعظم منتخب کروائےگی جس سے قائد کی قیادت میں ملک کو سابقہ پی ٹی آئی کی حکومت کی طرف سے پیدا کےے گئے معاشی سیاسی بحرانوں سے نکالا جاسکے گا پاکستان کی خالق جماعت مسلم لیگ ہی میاں محمد نواز شریف کی قیادت میں ملک کو دوبارہ مضبوط کرنے اور محنت کش عوام کو ریلیف دےنے کے منصوبوں پر عمل پیرا ہوسکتی ہے ،انہوں نے کہا کہ اب انتشار کی سیاست سے عوام تنگ آچکے ہیں اور وہ صرف ملک و قوم کی ترقی و خوشحالی چاہتے ہیں جو میاں محمد نواز شریف کے وزیراعظم بننے سے ہی ممکن ہے۔