میرٹ ‘سنیارٹی ‘ 110 سب انسپکٹرز کی انسپکٹرکے عہدے پر ترقی

لاہور(نوائے وقت رپورٹ )نسپکٹر جنرل پولیس پنجاب ڈاکٹر عثمان انور کی ہدایت پر ایڈیشنل آئی جی پنجاب سلطان احمد چوہدری کی زیر صدارت پروموشن بورڈ کا اجلاس منعقد ہوا۔ترجمان پنجاب پولیس نے بتایا کہ میرٹ اور سنیارٹی پر پورا اترنے والے 110 سب انسپکٹرز کو انسپکٹرکے عہدے پر ترقی دی گئی اور نوٹیفکیشن بھی جاری دیا گیا ہے، سب انسپکٹر سے انسپکٹرکے عہدہ پر ترقی پانے والوں میں لاہور کے 10، راولپنڈی کے 29، فیصل آباد کے 19، ساہیوال کے 18، سرگودھا کے 17، شیخوپورہ کے 7، گوجرانوالہ اور بہاولپور کے4 سب انسپکٹرز جبکہ گجرات اور ملتان کاایک سب انسپکٹر شامل ہیں۔ آئی جی پنجاب ڈاکٹر عثمان انورنے کہا کہ پروموٹ ہونیوالے افسران لوگوں کو انصاف دیں اور بہتر سروس ڈیلیوری فراہم کریں، رواں سال ہیڈ کانسٹیبلز و دیگر عہدوں پر مزید 1500 سے زائد ترقیاں دی جائیں گی۔