حافظ آباد (نمائندہ نوائے وقت)سابق وفاقی وزیر سائرہ افضل تارڑ نے کہاہے حضور نبی کریم ؐ پوری انسانیت کے لیے رحمت بن کر آئے، آپ ؐکے آنے سے معاشرے میں جو خواتین کو عزت و احترام دیا گیا اسکی مثال نہیں ملتی ۔آپ ؐ کی ولادت باسعادت ہمارے لیے جہاں خوشی کا مقام ہے تووہیںآپ ؐ کی تعلیمات ، اُسوہ حسنہ ہماری زندگیوں کے لیے مشعل رہ ہیں۔آج کی ماں ، بہن اور بیٹی کو حضور نبی کریمؐ کی تعلیمات پر عمل کرنا چاہیے کیونکہ ایک معاشرے کا آغاز گھر اور خواتین سے ہو تا ہے ۔ انہوں نے ان خیالات کا اظہار محکمہ لوکل گورنمنٹ  کے زیر اہتمام نواحی قصبہ ونیکے تارڑ میں عید میلا دالنبیؐ کے سلسلہ میں محفل میلاد سے خطاب کر تے ہوئے کیا ۔