ضیاء اللہ خان طورو کا دورہ اسلامیہ کالج پشاور یونیورسٹی ،پروفیسر علی محمد یوسفزئی سے ملاقات 

لاہور(لیڈی رپورٹر) ڈائریکٹر اردو سائنس بورڈ ضیاء اللہ خان طورو نے اسلامیہ کالج پشاور یونیورسٹی کا دورہ کیا اور وائس چانسلرپروفیسر ڈاکٹر علی محمد یوسفزئی سے ملاقات کی۔  دونوں اداروں کے درمیان تعاون اور اشتراک کے معاہدے پر دستخط کیے گئے۔ معاہدے کے مطابق اردو سائنس بورڈ اسلامیہ کالج  یونیورسٹی کی لائبریری میں اپنی مطبوعات کا ایک مخصوص کارنر قائم کریگا۔  باہمی اشتراک سے سیمینارز، کانفرنس، ورکشاپس کے انعقاد کے علاوہ طلبہ و طالبات کیلئے انٹرن شپ کا بھی اہتمام کیاجائے گا۔