لاہور (خصوصی نامہ نگار) رسول اکرمؐ انسانیت کیلئے سراپا رحمت بن کر تشریف لائے۔ حکومتی سطح پر’’ تقریبات سیرت النبیؐ  ‘‘ کے انعقاد سے سیرتِ طیبہؐ  کی ترویج اور تدریس میں مدد ملے گی۔ اسوہ رسول کی پیروی ہی سے عروج اور بلندی حاصل ہوسکتی ہے۔ نبی اکرمؐ نے دنیا میں وہ عظیم انقلاب بر پا کیا، جس سے انسانیت کو ارتقا میسر آیا۔ ان خیالات کا اظہار سیکرٹری اوقاف ڈاکٹر طاہر رضابخاری نے نظریہ پاکستان ہال میونسپل لائبریری، فیصل آباد میں ربیع الاوّل کی مناسبت سے منعقدہ زونل سیرت کانفرنس سے خطاب کرتے ہوئے کیا۔