لاہور(خبرنگار)7 سبزیوں کی قیمتوں میں بتدریج کمی، 13 کی قیمتیں مستحکم، 2 سبزیوں کی قیمت میں اضافہ ، بھنڈی، دیسی ٹینڈے، پالک، بوتل لوکی، لیموں چائنہ، دیسی لہسن، لہسن ہارنی کی قیمتوں میں کمی۔ترجمان ضلعی انتظامیہ لاہور نے کہا آلو، ٹماٹر، کریلا، پھول گوبھی، بند گوبھی، کھیرا، اروی، سبز مرچ، شلجم،مٹر، چائنہ گاجر، شملہ مرچ، ادرک چائنہ وتھائی لینڈ کی قیمتیں برقرار ہے۔پیاز اور شلجم کی قیمتوں میں اضافہ ہوا ہے اور بھنڈی کی قیمت میں 10 روپے کی کمی دیکھی گئی ہے۔جبکہ سبزیوں کی قیمتوں میں کمی و مستحکم، فیلڈ میں گراں فروشی پر انتظامیہ کا سخت ایکشن، بھاری جرمانے عائد ، گزشتہ 24 گھنٹوں میں 629 مقامات کی چیکنگ، 10 مقدمات کا اندراج،10 گرفتاریاں و 1 دکان سیل ،233 خلاف ورزیوں پر 19 لاکھ روپے کے جرمانے عائدکیے گئے۔ ڈی سی لاہور سید موسیٰ رضا نے کہا وزیر اعلیٰ مریم نواز کے ویژن کے مطابق شہریوں کو بنیادی سطح تک ریلیف فراہم کرنے کی کاوشیں جاری ہیں۔