ڈاکوؤں نے متعدد شہری لوٹ لئے، گاڑیاں اور موٹرسائیکلیں چوری 

لاہور (سٹاف رپورٹر) چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی، طلائی زیورات، موبائل فون، موٹرسائیکلوں اور گاڑیوں سمیت اور دیگر سامان لوٹ لیا گیا۔ تفصیلات کے مطابق نولکھا میں ریلوے سٹیشن کے قریب خالد سے 2لاکھ 20ہزار اور موبائل فون، مغلپورہ میں نواز سے 2لاکھ 15ہزار روپے اور موبائل فون، قائداعظم انڈسٹریل اسٹیٹ میں اسد سے 2لاکھ 10ہزار روپے اور موبائل فون، فیصل ٹاؤن میں عمار سے ایک لاکھ  65ہزار روپے اور موبائل فون،گلبرگ میں  محسن سے1 لاکھ 60 ہزار روپے اور موبائل فون، ماڈل ٹاؤن میں رضوان سے 1لاکھ55 ہزار نقدی اور موبائل فون، برکی میں قیصرسے 50ہزار روپے موبائل فون اور دیگرسامان لوٹ لیاگیا۔  ڈیفنس بی اور  شادمان سے گاڑیاں جبکہ شیراکوٹ شادباغ اور مانگا منڈی سے موٹرسائیکلیں چوری ہو گئیں۔