ٹوبہ ‘گوجرہ‘پیرمحل( نامہ نگاران‘ نمائندہ نوائے وقت) مختلف حادثات میں 10افراد جا ں بحق اور 8زخمی ہوگئے ۔بے قابوٹرالے نے مہدی کی تقریب میں شریک 4 خواتین کوبے دردی سے کچل کر مارڈالاجبکہ مرد و خواتین اور بچوں سمیت 8 افراد شدید زخمی ہو گئے۔ زخمیوں کوہسپتال منتقل کر دیاگیا۔ چک نمبر 427 ج ب اوڈھاں والی بستی میں حاجی قاسم کی بیٹی کی شادی تھی۔ یاسمین ‘عاصمہ ‘ نشاء اورنمرہ موقع پرہی جاں بحق ہو گئیں جبکہ فرزانہ‘رخسانہ‘نسیم‘ثناء اسلم ‘عاصم ‘محمد حسن ‘جاویدوغیرہ زخمی ہو گئے۔شدیدزخمیوں کو تحصیل ہیڈ کوارٹرزہسپتال گوجرہ منتقل کیاگیا۔ پیر محل ‘تھا نہ چٹیا نہ کی حدود میں واقع گائوں 401ج ب نزد وریام والا انٹر چینج کے قریب 2تیز رفتار مو ٹر سائیکلوں کے ما بین ہونیوالی ٹکر کے نتیجہ میں چھ افراد جن میں ساجدہ‘ بابر ، محسن‘محمد انور‘حلیمہ اور افتخار زخموں کی تاب نہ لاتے ہو ئے موقع پر ہی جاں بحق ہو گئے ۔حادثات تیز رفتاری کے باعث پیش آئے۔