سالانہ سیرت کانفرنس21ستمبرکوپریس کلب لیاقت باغ میں ہوگی 

راولپنڈی+ٹیکسلا (نوائے وقت رپورٹ)محکمہ اوقاف مذہبی امور راولپنڈی زون کے زیر اہتمام سالانہ زونل سیرت النبی کا نفرنس 21 ستمبر بروز ہفتہ صبح 9 بجے زیر سر پرستی زونل ایڈ منسٹریٹر اوقاف ایاز محمود لاشاری پریس کلب لیاقت باغ میں منعقد ہو گی۔ کانفرنس کی صدارت سیکرٹری و چیف ایڈ منسٹریٹر اوقاف ڈاکٹر سید طاہر رضا بخاری فرمائیں گے۔ کا نفرنس میں تمام مکاتب فکر کے علماء کرام، مشائخ عظام، سیاسی و سماجی رہنماء خصوصی شرکت کریں گے۔ کا نفرنس کے جملہ انتظامات کے لیے کمیٹی تشکیل دے دی گئی ہے جس میں زونل خطیب مولانا ثاقب افضل، مولانا حافظ محمد اقبال رضوی، مولانا امان الغفور، مولانا محمد عاقل سلطانی جہلم، مولانا قاری طارق محمود مری، حافظ محمد عمران،مولانا شہر یار چکوال ممبران ہونگے جو کہ کانفرنس کی جملہ انتظامات کریں گے۔ راولپنڈی زون کے تمام سرکلز کے منیجر ان بھی اس کمیٹی کے ساتھ خصوصی معاونت کریں گے۔ نظامت کے فرائض مولانا صدیق الحسنین سیالوی سر انجام دیں گے۔