شعیب ملک اورثانیہ مرزا کے اعزاز میں تقریب سیالکوٹ کینٹ میں رات آٹھ بجے ہوگی جس میں ملک کی اہم شخصیات اور ملک فیملی کے دوست احباب شرکت کریں گے۔ استقبالیے کیلئے دعوتی کارڈزتقسیم کئے جا رہے ہیں۔ ان کارڈز پرشعیب ملک اور ثانیہ مرزا کی تصاویر بھی موجود ہیں۔ اس سلسلے میں سیالکوٹ کینٹ میں شعیب ملک کی رہائش گاہ کی تزئین و آرائش کا کام جاری ہے اورمصنوعی روشنیوں سے گھرکو سجا دیا گیا ہے۔ شہر میں مختلف مقامات پر استقبالیہ بینرزبھی آویزاں کئے جارہے ہیں۔ دوسری طرف لاہور میں ستائیس اپریل کو ہونے والی دعوت ولیمہ کے لئے بارہ سو کارڈز تقسیم کردیئے گئے ہیں۔ مقامی ہوٹل میں ہونے والی تقریب میں مہمانوں کو صرف ون ڈش فراہم کی جائے گی۔