فلوریڈا (اے ایف پی) امریکی خلائی شٹل ڈسکوری دوسری کوشش میں زمیں پر بحفاظت اتر گئی ہے۔ ڈسکوری فلوریڈا کے کینیڈی خلائی اسٹیشن پر اتری۔اس سے قبل ڈسکوری کی زمین پر اترنے کی کوشش دوسرے روز بھی ناکام ہوگئی تھی۔ امریکی خلائی تحقیقی ادارے ناسا کے مطابق دھند اور بارش کے باعث ڈسکوری گزشتہ روز زمین پر نہ اتر سکی تھی۔ خلائی شٹل ڈسکوری کا یہ آخری مشن تھا جس میں سات خلا باز سوار تھے۔ اس مشن کے دوران عالمی خلائی اسٹیشن پر مرمت کا کام انجام دیا گیا۔