میڈلز ٹیبل پرکراچی کی مکمل حکمرانی

کراچی (اسپورٹس رپورٹر) میزبان کراچی نے سندھ گیمز میں مکمل برتری حاصل کرلی۔ دوسرے روز تک مجموعی طور پر20 میڈلز کے فیصلے ہوئے اور کراچی نے17 گولڈ میڈلز حاصل کرکے اپنی طاقت ثابت کردی۔ میزبان کراچی نے مجموعی طور پر34 میڈلز حاصل کئے۔ ان میں10 سلور اور7 برانز میڈلز شامل ہیں۔ کراچی کی قریب ترین حریف حیدرآباد صرف2 طلائی‘6 نقرئی اور5 برانز میڈلز حاصل کرسکی ہے۔ شہید بے نظیر آباد کو ایک گولڈ کے ساتھ سوئم پوزیشن پر ہے۔ سکھر نے ایک چاندی‘6 کانسی‘ میرپور خاص نے2 چاندی اور ایک کانسی جبکہ لاڑکانہ نے2 چاندی اور ایک کانسی کا تمغہ حاصل کیا۔