اسلام آباد (سپورٹس رپورٹر)پاکستان کرکٹ بورڈ کے زیراہتمام جاری پیٹرنز ٹرافی گریڈ ٹو کا فائنل میچ غنی گلاس اور زرعی ترقیاتی بینک کی ٹیموں کے درمیان آج ہفتہ کو پنڈی سٹیڈیم میں کھیلا جائے گا۔ راولپنڈی اسلام آباد میں جمعہ کو ہونے والی بارش کے باعث میچ تاخیر سے شروع ہونے کے امکانات ہیں۔۔ ٹورنامنٹ میں کامیابی حاصل کرنے والی ٹیم کو پانچ لاکھ روپے اور رنر اپ ٹیم ڈھائی لاکھ روپے نقد انعام دیا جائے گا مین آف دی میچ، بہترین بیٹسمین ، بہترین بائولر اور ٹورنامنٹ کے آل رائونڈر کھلاڑی کیلئے پچاس، پچاس ہزار روپے کا انعام رکھا گیا ہے ۔ فائنل میچ میں امپائرنگ کے فرائض ندیم اقبال اور راوید خان، ریفری کے علی نقوی جبکہ سکورر کے فرائض شکیل احمد انجام دیں گے۔