واقعہ معراج میں نبی پاکؐ کو امت کے آئندہ حالات سے آگاہ کیا گیا مولانا فضل الرحمان بن محمد

لاہور (خصوصی نامہ نگار) انجمن اہلحدیث لاہور کے صدر اور جامع محمدی اہلحدیث سنت نگر فردوس پارک کے خطیب مولانا فضل الرحمان بن محمد نے اجتماع سے خطاب کرتے ہوئے کہا کہ واقعہ معراج اپنے اندر بہت سے اسرار سمیٹے ہوئے ہے اس میں نبی پاکؐ کی امت کے پیش آمدہ حالات سے آگاہ کیا گیا تاکہ آپؐ قوم کی اصلاح فرمائیں اور ان گناہوں سے محفوظ رہنے کی تلقین کریں جن کی سزا میں مبتلا لوگوں کو آپ کو دکھایا گیا دس سال کے قلیل عرصہ میں انسانی تاریخ کا بے مثال معاشرہ تشکیل پا گیا جس کی نظیر ملنی مشکل ہے اسی واقعہ میں نبی پاکؐ کا سینہ مبارک پاک کیا گیا جس کی بنیاد پر سائنسدانوں نے دل کے آپریشن کے ذریعے علاج کیا لائیٹنگ سپیڈ کے ذریعے زمین کی کشش ثقل سے نکلنے کی سوچ انسان کو ملی۔