"ایک اورنکتہ نظر"کے عنوان سے کتاب کی لانچنگ تقریب کاانعقاد

لاہور(کامرس رپورٹر)"ایک اورنکتہ نظر"کے نام سے ایک یادگار کتاب کی شاندار لانچنگ تقریب منعقد ہوئی جس میں چیئرمین پاکستان کرکٹ بورڈ احسان مانی، لاہور چیمبر کے صدر الماس حیدر، کتاب کے مصنف طاہر میمن، معاون مصنف سلیم پرویز اور مختلف شعبہ ہائے زندگی سے تعلق رکھنے والے افراد کی بڑی تعداد نے شرکت کی۔ اس کتاب سے حاصل ہونے والی تمام آمدن ہنرمند فائونڈیشن کو عطیہ کردی جائے گی جو مستحق افراد کو غربت سے نکالنے اور ان کا معیار زندگی بہتر کرنے کے لیے کام کررہی ہے۔ یہ کتاب پہلے ہی اپنے بلند معیار اور بہترین معلومات کی بدولت برٹش لائبریری کی زینت بن چکی ہے۔