ساہیوال (نمائندہ نوائے وقت) پولیس نور شاہ نے گزشتہ ضلع کچہری سے یونین کونسل نمبر2نور شاہ کے چئیر مین پیر عجم شاہ کھگہ کو گرفتار کر کے سینٹرل جیل ساہیوال میں ایک ماہ کے لئے نظر بند کر دیا ہے پیر عجم شاہ کھگہ نے گز شتہ روز اپنے ڈیرہ پر محکمہ حیوانات کے ایک اہلکار بلا کر تشدد کا نشانہ بنایا تھا اور غیرقانونی طور حراست میں رکھا اس کے خلاف پولیس نے مقدمہ درج کر لیا تھا۔ گزشتہ روز ضلع کہچری سے ایڈیشنل سیشن جج کی عدالت سے حفاظتی ضمانت قبل از گرفتاری کر وا کر نکلے تو پولیس نور شاہ نے گرفتار کر لیا اور سینٹرل جیل ساہیوال پہنچا دیا۔