لاہور (سپورٹس ڈیسک )ویسٹ انڈیز کرکٹ ٹیم کے آل راؤنڈر کیرون پولارڈ نے انٹرنیشنل کرکٹ سے ریٹائرمنٹ کا اعلان کردیا ہے۔کیرون پولارڈ نے سوشل میڈیا پر  ریٹائرمنٹ کا اعلان کیا اور کہا کہ میرے لئے فخر کی بات ہے کہ میں نے ویسٹ انڈیز کی نمائندگی کی۔کیرون پولارڈ نے2007 میں ایک روزہ اور 2008 میں ٹی ٹونٹی انٹرنیشنل میچز میں ڈیبیو کیا ، انہوں نے 123 ون ڈے اور 101 ٹی ٹونٹی میچز میں ویسٹ انڈیز کی نمائندگی کی۔ پولارڈ کوانٹرنیشنل کرکٹ میں ایک اوور میں 6 لگاتار چھکے مارنے والے تیسرے کھلاڑی ہونے کا اعزاز بھی حاصل ہے۔