لاہور(نیوز رپوڑٹر)پنجاب ماڈل بازار مینجمنٹ کمپنی نے شنگریلا فوڈ ،ڈائمنڈ پینٹ، الخیر گروپ ،نائیکون کے تعاون سے سالانہ افطار ڈنر کا اہتمام مقامی ہوٹل میںکیا۔پنجاب بھر سے سٹاف کو اس تقریب میں مدعو کیا گیا۔صوبے بھر میں شاندار کارکردگی کا مظاہرہ کرنے والے 5 منیجرز کو اعزازی شیلڈ اور 13بازار منیجرز کو ان کی ٹیم کے ہمراہ سرٹیفیکیٹ بھی دیئے گئے۔ ماڈل بازار کے ہیڈ آفس میں ماہ صیام کے دوران بہترین کارکردگی پر افسران کو بھی سر ٹیفکیٹ دیئے گے۔ ماڈل بازاروں میں ہزاروں کی تعداد میں صارفین نے سستی اور معیاری اشیا کی خریداری کیلئے ان بازاروں کا رخ کیا۔ عوام نے حکومت سے مطالبہ کیا ہے کہ ماڈل بازاروں کی تعداد کو بڑھایا جائے تاکہ زیادہ سے زیادہ افراد اس سے مستفید ہو سکیں۔ تقریب سے خطاب کرتے ہوئے سی ای او ماڈل بازار شاہد قادر کا کہنا تھا کہ ماڈل بازار ماہ صیام میں سبسڈی کے بغیر پنجاب بھر کی عوام کو اشیا ضروریہ پر ریلیف فراہمی کا بڑا ذریعہ بنی ہے۔