نیشنل گیمز میں پنجاب کے میڈلسٹ اتھلیٹس کو کیش انعام دینے کااعلان 

 لاہور(سپورٹس رپورٹر)پنجاب کے مشیر کھیل وہاب ریاض نے قومی اتھلیٹس کےلئے بڑا اعلان کر دیا۔ ٹوئٹر پر جاری کیے گئے بیان میں وہاب ریاض نے کہا کہ نیشنل گیمز میں پنجاب کے میڈلسٹ اتھلیٹس کو کیش انعام دیا جائے گا۔ کھیلوں کی تاریخ میں پہلی مرتبہ ہم اتھلیٹس کو انعام دیں گے، کیش انعام تمام میڈلسٹ اتھلیٹس کو ملے گا۔ سنگلز اور ڈبلز کے گولڈ میڈلسٹ کو 5 لاکھ روپے ملیں گے جبکہ سلور میڈلسٹ کو ڈھائی لاکھ اور برانز میڈلسٹ کو ایک لاکھ روپے انعام ملے گا۔مشیر کھیل پنجاب کا کہنا ہے کہ ٹیم ایونٹ میں گولڈ میڈلسٹ کو دس لاکھ روپے، سلور میڈلسٹ کو 5 جبکہ برانز میڈلسٹ کو ڈھائی لاکھ روپے ملیں گے۔