ڈسکہ اور نواح میں بجلی کی گھنٹوں بندش، لوگ بلبلا اُٹھے

ڈسکہ(نامہ نگار/نمائندہ خصوصی)ڈسکہ اور اسکے گردنواح میں بجلی کی لوڈشیڈنگ شدت اختیار کرگئی کئی کئی گھنٹے کی بجلی بندش میں لوگ بلبلا اٹھے۔ اہل علاقہ مچھروں کی بہتات کی وجہ سے راتیں جاگ کر گزارنے لگے گزشتہ کئی دنوں سے علاقہ بھرمیں کئی کئی گھنٹے کی لوڈشیڈنگ کاسلسلہ جاری ہے جس سے اہل علاقہ دن اور رات سکون کی نیند سے محروم ہوکر ذہنی مریض بن چکے ہیں۔ پنکھے نہ چلنے سے مچھر بھی اپنی بھرپور ڈیوٹی کرتے ہوئے نظر آتے ہیں ۔شدید گرمی میں بجلی بند ش میں بیمار افراد اور بچے سب سے زیادہ متاثر ہیں شہریوں نے وزیراعظم میاں محمدشہبازشریف سے نوٹس لینے کامطالبہ کیاہے ۔