لاہور (خصوصی نامہ نگار) بیساکھی میلہ 2024ء کی تقربیات میں بھارت سے2400 سکھ یاتریوں نے گورو دوارہ ڈیرہ صاحب میں اپنی مذہبی رسومات ادا کیں۔ بورڈ ترجمان کے مطابق سکھ رہنماؤں نے قیام امن و سکھ مسلم دوستی کے رشتہ میں مزید مضبوطی سمیت دیگر نیک تمناؤں کی دعائیں کیں۔ یاتریوں کو بہترین سہولیات مہیا کرنے کے لیے ٹرسٹ بورڈ کی جانب سے گوردوارہ ڈیرہ صاحب میں تزئین و آرائش کے ساتھ ساتھ برقی قمقموں سے سجایا گیا ہے اور رہائش کے لیے بہترین انتظامات کیے گئے ہیں، بھارتی سکھ یاتریوں نے ٹرسٹ بورڈ کی جانب سے کیے گئے انتظامی اقدامات کو احسن قرار دیا۔