اسلام آباد(نمائندہ خصوصی) بلاول اور آصفہ بھٹو سے فلسطینی سفیر نے بلاول ہاؤس میں ملاقات کی جس میں پاک فلسطین تعلقات‘ غزہ کی صورتحال پر تبادلہ خیال کیا گیا۔ فلسطینی سفیر نے بلاول بھٹو کو شہید بے نظیر بھٹو اور یاسر عرفات کی یادگار تصاویر کا فریم پیش کیا۔ مسجد اقصیٰ کی یادگار تصویر اور یادگاری شیلڈ بھی پیش کی۔ بلاول بھٹو نے فلسطینی سفیر سے گفتگو میں کہا کہ پاکستان غزہ کے معاملے پر فلسطینیوں کے ساتھ کھڑا ہے۔ مسئلہ فلسطین سے متعلق پورا پاکستان ایک ہے، ہمارے دل فلسطینیوں کے ساتھ دھڑکتے ہیں۔