گوجرانوالہ: چیمبرکے نائب صدرکاچائلڈ پروٹیکشن بیورو کا دورہ 

گوجرانوالہ(نمائندہ خصوصی) چیمبر آف کامرس اینڈ انڈسٹری کے نائب صدرعادل ندیم نے چائلڈ پروٹیکشن بیورو کا دورہ کیا۔اس موقع پر انہوں نے تبادلہ خیال کرتے ہوئے کہا کہ چائلڈ پروٹیکشن میں تمام بچے پاکستان کا روشن مستقبل ہیں محکمہ ان کی تعلیم وتربیت اور زندگی کی ہر آشائشیں مہیا کر کے بڑی ذمہ داری کا مظاہرہ کر رہا ہے۔ بچوں کے ساتھ وقت گزار کر دلی مسرت اور سکون ملاہے یہ بچے ہمارے لئے بڑے خاص اور اہمیت کے حامل ہیں ان کے ساتھ جتنی شفقت اور محبت کی جائے کم ہے۔ چیمبرآف کامرس چائلڈ پروٹیکشن بیورو کے اس نیک مشن کو آگے بڑھانے کیلئے ہر ممکن تعاون کریگا۔ تمام بچوں سے تبادلہ خیال کیا اور ان میں گھل مل گئے۔