امریکا میں پارٹی کے شرکا پر کار چڑھ دوڑی، 2 بچے ہلاک

امریکی ریاست مشیگن میں دو بچے اس وقت ہلاک ہوگئے جب ایک تیز رفتار رفتار بے قابو ہوکر پارٹی کے شرکا پر چڑھ دوڑی۔عینی شاہدین نے بتایا کہ ڈرائیور نشے میں دُھت تھا۔ ایک بچے کی سالگرہ کی پارٹی بوٹنگ کلب میں ہو رہی تھی۔ ہلاک ہونے والوں میں 8 سالہ لڑکی اور اس کا 5 سالہ بھائی شامل ہیں۔ دونوں نے موقع ہی پر دم توڑ دیا۔ 5 بچوں سمیت 12 افراد زخمی ہوئے۔زخمیوں کو قریبی اسپتال میں داخل کرادیا گیا جہاں دو بچوں کی حالت تشویش ناک ہے۔ پولیس نے ڈرائیور کو گرفتار کرلیا۔