قصور/ فیصل آباد/ سیالکوٹ (نمائندہ خصوصی + نامہ نگار + نمائندہ نوائے وقت) زیادتی کے واقعات میں اوباشوں نے شادی شدہ سمیت 3 خواتین کو ہوس کا نشانہ بنادیا۔ تفصیلات کے مطابق فیصل آباد کے جیلانی پارک کی رہائشی شاہدہ بی بی گھر میں اکیلی تھی کہ عمردراز دیوار پھلانگ کر آیا اور اسلحہ کے زور پر ہوس کا نشانہ بنا ڈالا اور فرار ہو گیا۔ ویمن پولیس نے مقدمہ درج کر کے کارروائی شروع کر دی ہے۔ سیالکوٹ کے ماڈل تھانہ کینٹ کے علاقہ عسکری کالونی میں تاجر کی کوٹھی میں کام کرنے والی 14 سالہ ملازمہ ثمرپرویز کے ساتھ اسی کوٹھی میں کام کرنے والے ملازم عرفان نے زیادتی کرڈالی۔ پولیس نے ملزم عرفان ساہی کو گرفتار کرلیا۔ قصور سے نمائندہ نوائے وقت کے مطابق 16 سالہ رمشاء نے تھانہ راجہ جنگ میں مقدمہ درج کروایا ہے کہ مجھے گھر میں اکیلی پاکر ملزم لیاقت گھر میں داخل ہوگیا اور اسلحہ کے زور پر مجھے زیادتی کانشانہ بنادیا۔ پولیس نے مقدمہ درج کرلیا۔