نواں کوٹ: 3 کمسن بہن، بھائی پراسرار طور پر لاپتہ، والدین کی علیحدگی ہو چکی

لاہور (سٹاف رپورٹر) نواں کوٹ کے علاقہ میں 3 بچے پراسرار طور پر لاپتہ ہوگئے، پولیس نے تلاش شروع کر دی۔ نواں کوٹ کا رہائشی اکرم جس کی اپنی بیوی سے چند ماہ قبل علیحدگی ہو گئی جس پر اس کی اہلیہ اپنے تین بچوں جن میں دوبیٹیاں 14سالہ مسکان، 13سالہ ماہین اور 7سالہ دائم ہیں کو لے کر اپنے میکے کراچی چلی گئی تھی جنہیں چند روز قبل ان بچوں کا باپ واپس لے آیا تھا جوکہ آج صبح سے پراسرار طور پر لاپتہ ہوگئے جن کی اطلاع پولیس کو دے دی گئی۔